খহনীয়া

 

নৱ কুমাৰ বৰা

 

মহাবাহু!

কামেং সীমান্তৰ

মন্‌পা গাভৰুৰ যৌৱন ধোৱাই

ঘাটে-ঘাটে তৃষ্ণাতুৰৰ পিয়াহ গুচাই

বিষাদৰ উমান পালানেকি?

কিয় মন উচাতন?

কিয় সংহাৰিছা ভাৰস্তৰ ভূমি?

 

যৌৱনত বাঢি.ছে ঢল

কোনো খেদ নাই;

পাৰিলে আদৰিম

যোৰা নাম গায়৷

হঠাৎ সলালে গতি

হ’বতো বিস্তৰ ক্ষতি৷

 

চোৱা! ঝাওবন কঁহুৱাই

গায় নিচুকনি গীত

থৰ লাগি ৰয় বিকহী পখী

দিন-হীন, অন্নহীন

কতযে নিৰীহ প্ৰাণ!

 

ক্ষান্ত হোৱা মহাবাহু

এয়া প্ৰেমৰ লগন৷ }}